07/11/2026
Regione, Furlan
Certificazion de lenghe furlane - nivei B e C1
di Redazione web
La ARLeF e comuniche lis gnovis sessions di esam pe certificazion de cognossince de lenghe furlane, cun provis pai nivei B e C1 dal Cuadri comun european di riferiment
pe cognossince des lenghis (QCER).
Par partecipâ, lei ben i avîs publics, cu la modulistiche e lis indicazions, che tu cjatis achì e presente la tô domande di iscrizion dentri dai 9 di Novembar dal 2026, dome midiant PEC, ae direzion arlef@certgov.fvg.it.
L'esam pal nivel B si fasarà martars il 1n di Dicembar dal 2026; chel pal nivel C1 al sarà martars ai 2 di Fevrâr dal 2027. Dutis dôs lis provis si fasaran te sede de Universitât dal Friûl.
Par ogni prove a saran ametûts al massim 30 candidâts. Ogni nivel al previôt cuatri provis: comprension e espression de lenghe orâl, comprension e espression de lenghe scrite.
Sul sît de ARLeF, te sezion dedicade ae Certificazion, a son a disposizion simulazions di provis di esam, materiâi utii par preparâsi e un link pal test di autovalutazion fat de Universitât par rivâ a sielzi la prove plui juste pal propri nivel.
Par altris informazions, contatâ il numar 0432 555812 o scrivi a arlef@regione.fvg.it
