Programazion teatri par furlan tal Auditorium di Listize
Ancje chest an il Comun di Listize al à in program par dut il mês di Mai la rassegne teatrâl par furlan. A saran in sene, li dal auditorium comunâl, lis trê filodramatichis: "Nespoledo 80", "L'Ajar" di S. Marie e "La Pipinate" di Sclaunic. Ospits chest an a saran "I Baracons" di Basilian, cuntun spetacul in program sabide ai 13.
Buine vision e bon divertiment!
Sabide ai 13 di Mai aes 20:45 La Compagnie teatrâl “I Baracons” di Basilian e presente
“CHESTE VOLTE E JE LADE STRUNCJE”
di Giulia Di Benedetto
regjie di Sandro Micelli e Stefano Minini
Il miedi condot, dotôr Della Pietra, al à doi fastidis: sostituî la segretarie - che e larà in pension in curt - e tacâ a doprâ il computer, che nol sa nancje ce che al è! Fastidis che si risolvin avonde di corse; ma ve che al rive un altri, plui grant: i suspiets dai carabinîrs...
Jentrade libare
